【家務長知識】5大使用洗衣機常犯錯誤
每日家務rundown必定有開洗衣機洗衫，大部分人用洗衣機習慣原來都係錯架㗎！分分鐘整壞洗衣機，甚至啲衫越洗越污糟！即刻落去睇下5大使用洗衣機常犯錯誤！
Top 5 – 窿罅暗藏邋遢
喺屋企見到曱甴同蟲蟲固然好怕怕，但洗衣機突然死機都關佢哋事？洗衣機死機主要源於電子板故障，曱甴鍾意集結喺溫暖嘅電子板，更加會喺上面去廁所！長期而然搞到電子板漏電，小小昆蟲都足以成爲洗衣機殺手！
|
|
|
SPEEDTOX殺牠死日本製蟑螂藥餌(8件裝)
Top 4 - 使用過多衣物和洗衣粉
「橫掂都係開機洗衫，塞滿佢一機洗多幾件就慳錢又慳水，加多啲洗衣粉就更乾淨！」如果你平時都係咁諗，其實分分鐘會搞到洗衣機滲水，慳唔到錢仲要洗多一筆，得不嘗失！當機内衣物太多導致過重，有機會整鬆喉管！過多洗衣粉更會令機器運作時出現好多泡沫，洗衣機難以沖洗乾淨，搞到要洗多幾轉，嘥水嘥時間！
Top 3 – 洗衣機放置潮濕環境
香港地方有限，唯有將個洗衣機塞喺浴室或者廚房，但咁做原來會整壞洗衣機！浴室廚房濕氣重，水氣有機會係洗衣機頂嘅罅隙流落機内電子板，搞到死機！
|
|
|
|
Top 2 - 内衣和衣服一起洗
平時將着過嘅衫一次過掉入洗衣機，撳一撳制就自動洗晒啲衫好方便。但咁樣其實會令數以億計細菌殘留喺洗衣機，而凶手就係…衣物堆入面嘅内衣褲！一件著過嘅内衣會留低1億大腸桿菌，等於將排泄物留喺洗衣機幾個星期。唔想令千萬細菌佈滿全機衣物，不妨選擇用暖水手洗内衣物。
Top 1 - 從不清洗洗衣機
用洗衣機洗衫就聼得多，但洗衣機都要清洗？無錯，當你從無洗過佢嘅話，你部洗衣機可以比馬桶污糟500倍，暗藏大量大腸桿菌、沙門氏菌同葡萄球菌等！洗衣機有好多罅隙藏住污垢同細菌，例如洗衣機内缸同外缸之間嘅防水圈會積聚污跡，污水更會用嚟洗下一機衫，越洗越污糟！所以需要定期每月清洗洗衣機，用洗衣機清潔劑幫洗衣機沖涼啦！
|
|
唔想隨時整壞洗衣機，甚至衣服越洗越髒，記得避開呢5大常犯錯誤！同時緊貼小編的【家務長知識】，繼續學平、靚、正生活小技巧。
