【煙霧籠罩全城】10區空污指數爆錶 即睇邊區最嚴重

【煙霧籠罩全城】10區空污指數爆錶 即睇邊區最嚴重
發表於: 產品介紹

【煙霧籠罩全城】10區空污指數爆錶 即睇邊區最嚴重

近排個天普遍灰濛濛,又熱又翳焗,多區空氣污染水平仲瀕臨爆錶!主要因為受乾燥大陸氣流同華南內陸嘅高溫所影響,將內陸污染物吹入,加上本地風力微弱,不利於擴散污染物。多個空氣監測站嘅空氣健康指數連日達到「甚高」或以上水平,中西區、南區、深水埗、荃灣、屯門、元朗、塔門等多個監測站,仲一度錄得10+「嚴重」水平,想唞啖氣都唔容易!

 

雖然呢一波空氣污染暫時紓緩咗,但預測未來風勢依然偏向微弱,大氣靜穩,比較難吹散污染物。除咗喺健康風險級別達到「甚高」水平時,減少戶外逗留時間同戶外體力消耗,室內空氣亦要保持潔淨清新,否則即使留喺屋企,對長者、兒童、心臟病或呼吸系統疾病患者嘅風險依然高企。喺屋企唔同位置放返部空氣清新機,甚至有得帶埋出街就最好不過!

 

家用空氣清新機推介

巿面上嘅空氣淨化機,主要係利用高效濾網,配合各種專利技術過濾空氣,體積較大嘅一般規格同應用範圍會比較高。SAVEWO救世智能空氣消毒淨化機TGP-X,就結合咗最新改性活性碳技術、HEPA高效濾網、UV殺菌同負離子技術,四重防護清新空氣。MOMAX Smart Ultra-Air Mist IoT智能紫外光空氣淨化加濕風扇AP9S,更加係一機四用,結合空氣清新機、放濕機、風扇同空氣質素監察機,可以時刻mon住室內空氣質素!

帶住周圍去更安心

至於細細部、的的骰骰嘅空氣淨化器,雖然應用範圍冇咁廣泛,但方便隨時移動,用起上嚟更加靈活。外型成個小手袋咁嘅b-MOLA 桌面小型空氣淨化器NCCO 1804,個個見到都心心眼,兼且功能有板有眼;通過NCCO技術,有效分解病毒同細菌之餘,仲能夠清走異味、清新空氣,放喺工作檯就最啱。若然想出街都呼吸到清新空氣,亦可以掛住部AirTamer雅達瑪個人負離子空氣淨化器 A310W,秒秒釋放大量有益健康負離子,迫使空氣中傳播嘅污染物,通通遠離用家嘅呼吸空間!

改善空氣污染 一齊由保護環境做起!

改善空氣質素嘅方法豈只得一種?除咗善用各種空氣過濾產品,亦不妨考慮從以下日常生活小事做起,減少不必要發電或人為而產生嘅空氣污染,每次做前停一停,諗一諗,踏出保護環境第一步,空氣都清新啲!

 

  1. 出門前,提提自己記得熄電器
  2. 電腦唔使長期叉住電開,可以每星期熄一熄
  3. 夏天開冷氣時,可以較細啲,加埋風扇啱啱好
  4. 定期清洗冷氣機隔塵網,保持冷凍高效能
  5. 買電器時,記得睇埋能源效益標籤
  6. 唔太熱時,窗戶應該經常打開,保持空氣流通
  7. 唔好喺室內吸煙
  8. 想買車出入時,諗諗日常範圍公共交通網絡係咪完善
17 日之前
你喜歡這個帖子嗎?
0
0

當我們有最新的折扣優惠時,讓我們發信息給你?

稍後再提示我

謝謝!請檢查您的電子郵件收件箱以確認。

你已關閉了通知。